مفيش قاعدة ثابتة تقول انك مخير على طول او مسير لان المواقف بتختلف
احيانا بتكون مسير فيها يعنى انها قضاء وقدر مالكش فيها اى تحكم او سيطرة
على الاطلاق زى اهلك الام والاب او جنسك انثى او ذكر شكل جسمك
الغنى او الفقر الاشياء دى كلها مالكش يد فيها او انك تقدر تغيرها لانها
ثوابت خلقت بيها ووجدتها فى حياتك انما المواقف اللى تقدر تتحكم فيها
وتكون مخير ان ربنا خلق لينا عقل نقدر نقرر ونحدد الصح من الغلط والخير
من الشر وايه اللى فى مصلحتك وايه اللى يضرك وتبعد عنه والحق اللى
تقف معاه دايما والباطل اللى لازم تشيله من حياتك لانك هتتحاسب على
اختيارك سواء صح هتكافىء عليه او غلط هتتعاقب عليه وهتتحمل نتيجة
افعالك والدليل على هذا الكلام انك عمرك ما سمعت عن شخص مثلا
هو اللى بيحدد رزقه فى الدنيا او بيختار حياته تمشى ازاى او الامراض
اللى بتصيب الجسم فجاة بدون اى انذار او حوداث وغيرها من اشياء
بعيدة كل البعد عن ارادتنا اما المخير بالنسبة ليك هى المبادىء او
اخلاقك وطريقة تفكيرك انت مخير سواء بانك تؤمن بالله او لا وتحملك لنتيجة
اختيارك او اختيار نوع اكلك المفضل او العمل اللى ترتاح فيه كل دا
بايدك انت او طريقة استايلك فى الملابس و الاماكن اللى تحب تزورها
كتير واسلوبك فى الكلام والحوار كل افعالك دى حرية ليك وتقدر
تتحكم فيها واحيانا فى بعض المواقف بتلاقى نفسك مخير ومسير
فى نفس التوقيت زى مثلا ان ربنا يهديك لطريق معين وانت بتتمناه
ويوفقك فيه فاتلاقى نتيجة اختيارك صحيحة ودا توفيق من عند ربنا ليك
وايضا الزواج انك ترتاح لشخص معين وتنجذب ليه بطريقة مش طبيعية
وهو مكتوب ليك من الاول بعض الحالات ربنا بيهدى الانسان لطريق الصحيح
ويساعده انه يتجهه ليه ويقف جمبه وهو بيختاره دا يكون مسير ومخير فى نفس الوقت
هل الانسان مسير ام مخير , امتى تقدر تقول انك مسير او مخير
هل الانسان مسير ام مخير
