اكتر السيدات بتفكر انها تهتم بالاثاث وتختاره بدقه ولكنها بتغفل عن المفروشات
اللى هى فى الاصل بتزيد من اناقة المكان وكمان بتحوله لو كان قديم لجديد
دا غير انها بتدى رقى وجمال شديد وراحة نفسية والاصعب انهم بيحتاروا فى
الاختيار بين الالوان والتصاميم ونوع القماش الخاص بيها هنبدا نحدد الاول غرفة
نوم اطفال ولا شباب ولا بنات ولا متزوجين هنبدا بان لو انتى بتفضلى الكلاسيكى
هتنسقى مفروشاتك باللون البنى دا لانه بيدى فخامة للمكان اكتر او اللون
البنفسجى مع الرمادى الفاتح بيكون اكتر رومانسية او اللون الدهبى لون الملوك
وبيكون متميز جداا لرقيه بشكل فظيع او الاصفر مع البيج او الالوان الاساسية
زى الازرق والاخضر والاصفر والاحمر بيدوا حيوية للمكان بمزجهم مع بعض
والازرق الفاتح السماوى بيدل على البحر دا غير انه جو خيالى واللون الابيض
يبدى استرخاء دا غير انه بيرفع من مستوى الاثاث من غير ما تجدديه
اما لو غرفة اطفال اكيد هنميز المفروشات بصور كارتون وتكون الالوان
موجود فيها لبنى او اخضر او روز لو كانت بنات ولو شباب بنضيف اللون
الازرق الغامق او الكحلى مع نقوش فى المفرش تكون خفيفة وعصرية
مفروشات غرف نوم , اختيارك للمفروشات يفرق فى اظهار جمال غرفتك
مفرش غرفة نوم
اللون البنى مع اللبنى بيدى روح هادية للغرفة مع نقوش بسيطة
الاسود والابيض ملوك الالوان مع اضافة اكسسوار على المفرش لزيادة اناقته
الابيض السادة مع مربعات كبيرة عليه بتدى جو مريح للغرفة
اللون النبيتى مع البيج وزخارف بسيطة على اطراف المفرش
المفرش الستان مع اللون الاحمر بيدى طاقة قوية ورومانسية للغرفة
اللون الروز مع نقوشات الورود اطلالة انسيابية وناعمة وخاصة لغرف البنات
مفرش للاطفال عليه صورة كارتون ديزنى
اللون الذهبى يضيف تميز للغرفة مع الشعور باحساس الملوك
المفارش المشجرة وسحرها للمكان من فخامة
- ملايات شباب غامقة